أهلاً بيكم في الكورس المتكامل لتطوير تطبيقات الويب باستخدام التقنيات الحديثة بلغة الجافاسكريبت. أنا يحيى العربي هديكم الكورس ده بمشاركة الخبرة اللي اكتبسبتها في مجال البرمجة لاكتر من 10 سنين بتطوير تطبيقات ويب مع شركات حول العالم اشتغلت معاهم عن بعد.

—

في الكورس ده هتتعلم بطريقة عملية. همشي معاك في كيفية بناء تطبيقات بالتقنيات اللي بقت مطلوبة بقوة في سوق العمل العالمي وهي Express وReact وMongoDB.

شركات كتيرة بقت بتعتمد على الMERN في شغلها في بناء المشاريع اللي بتخدم ملايين المستخدمين انهاردة وبقوا بيحصلوا على تمويلات بتساعدهم يدوروا على مبرمجين شاطرين متخصصين في التقنيات ده .. سواء كانوا جونيور أو سينورز.

—

هتتعلم في الكورس ده خطوة بخطوة ازاي تجتاز مرحلة البداية الصعبة في التعامل مع React وExpress وMongoDB عشان تبني

Full-Stack Web Application.

—

في كل قسم هتلاقي فيه مشروع بسيط عن التقنية وازاي تنزلها عندك وتستخدمها.

ويفضل تمشي بالترتيب لكل قسم عشان لما توصل في الآخر هتلاقي فيه تطبيق عملي لبناء متجر الكتروني E-Commerce بيغطي كل التقنيات اللي اتعلمناها في كل قسم.

—

يفضل يكون عندك اساسيات كويسة في الجافاسكريبت واساسيات التعامل مع صفحات الويب باستخدام الHTML والCSS.

لو مش عندك الاساسيات ده فتقدر برده تمشي مع الكورس ده بس لازم تدخل تاخد الاساسيات ده الاول من على قناة اليوتيوب عندي.

—

وتمنياتي للجميع بالتوفيق والنجاح.

Who this course is for:

• المبتدئين في مجال تطوير تطبيقات الويب والراغبون في تطوير مهاراتهم بتقنيات الويب الحديثة
• المهتمين بتطوير مهاراتهم في بناء التطبيقات والتعلم بطريقة بناء المشاريع في التقنيات المحددة
• الطلاب المهتمين بالاستعداد لسوق العمل
• المبرمجين الراغبين في معرفة طريقة بناء المتاجر الالكترونية وطرق التفكير فيها باستخدام تقنيات الويب الحديثة