خلال الكورس هتاخد فكرة عن أساليب التصنيع المختلفة

هنقسمهم لطرق تشكيل وتشغيل وسباكة وهنشرح كل تقسيمة فيهم وايه أساليب التصنيع التابعة ليها

كمان هنركز على اهم طرق التصنيع المستخدمة في الانتاج الكمي والانتاج الفردي .. وهنشوف كل طريقة ايه مميزاتها وايه عيوبها وامتى تختارها وامتى لأ ..

ندخل بعد على مرحلة المفاضلة بين طرق التصنيع المختلفة بحيث لو معاك منتج معين تقدر تفكر ازاى تصنع المنتج دا .. ازاي تختار طريقة التصنيع المناسبة اللى ينفع يتصنع بيها بأعلى جودة وأقل تكلفة ممكنة.

وفي الاخر هنشوف ازاي تقدر تصمم منتج مناسب لعمليات السباكة و الحقن و الطرق وغيرهم.

وازاي تقدر تعدل تصميم منتج معين علشان يناسب العمليات دي.

وهنستخدم برامج التصميم الميكانيكي علشان نشتغل عملي كمصممين منتجات و مهندسين انتاج مع كام اختبار صغير خلال الكورس علشان يحافظ على أذهاننا حاضرة ونربط المعلومة النظرية بالواقع العملي.
الكورس هيناسب أي حد مرتبط بالعمليات الانتاجية والتصنيع :-

– مهندس انتاج وتصنيع.

– مهندس تخطيط.

– مهندس جودة.

– طالب ميكانيكا انتاج.

– طالب ميكانيكا عام.

– طالب ميكانيكا باور.

– طالب ميكاترونكس.

– مصمم منتجات.

وعلشان تحقق اقصى استفادة من الكورس عايزك تتفرج عليه مرتين ..

المرة الاولى هتتفرج عليه بدون اي ادوات تستخدمها في ايدك .. مجرد مشاهدة بتركيز علشان تستوعب المحتوى بالكامل بدون ما تشغل بالك بتلخيص و تقييد و مذاكرة وتطبيق .. 

والمرة التانية هتجيب كشكول وتكتب اللى بتدرسه في كل سلايد بشكل منظم ومختصر .. وتستخدم البرامج بنفس الطريقة اللى استخدمناها بيها في الكورس .. تطبق عملي بايدك .. 

التلخيصات دي مهمة جدا علشان تسترجع المعلومة بعد كدا من غير ما تكون محتاج تراجع الكورس وتشوفه مرة تانية.

Who this course is for:

• Mechanical Engineers & Students